Terms & Conditions

1 9 દિવસની અલગ-અલગ ટિકિટ એક સાથે ખરીદવા માટે

જો ગ્રાહક નવરાત્રીના 9 દિવસ માટેની 9 અલગ-અલગ ટિકિટ એક જ ટ્રાન્ઝેક્શનમાં ખરીદે છે, તો તેને ડિસ્કાઉન્ટ આપવામાં આવશે. ડિસ્કાઉન્ટ બાદ ગ્રાહકે કુલ ₹3,500 ચૂકવવાના રહેશે તથા દરેક ટિકિટ માટે અલગ Day-wise Invoice આપવામાં આવશે. એક મોબાઇલ નંબર પરથી વધુમાં વધુ 2 (બે) વ્યક્તિઓ માટે જ ટિકિટ ખરીદી શકાશે.

2 દરેક દિવસ માટે અલગ Ticket અને Invoice

Rangoli Dandiya માટે દરેક દિવસની ટિકિટ અલગથી ઉપલબ્ધ રહેશે અને દરેક દિવસ માટે નક્કી કરેલી ટિકિટની કિંમત લાગુ પડશે. ગ્રાહક પોતાની જરૂરિયાત મુજબ કોઈ એક દિવસની અથવા એકથી વધુ દિવસોની ટિકિટ ખરીદી શકશે. દરેક ટિકિટ માટે અલગ Day-wise Invoice આપવામાં આવશે. એક મોબાઇલ નંબર પરથી વધુમાં વધુ 2 (બે) વ્યક્તિઓ માટે જ ટિકિટ ખરીદી શકાશે.

3 ખેલૈયા ગ્રુપ સિવાયના ખરીદદારો માટે મહત્વપૂર્ણ નોંધ

ખેલૈયા ગ્રુપના સભ્યો સિવાયના તમામ સિંગલ વ્યક્તિ અથવા ગ્રુપ માટે લેડીઝનું સાથે હોવું અનિવાર્ય છે. એક લેડીઝ સાથે વધુમાં વધુ 3 (ત્રણ) જેન્ટ્સને જ એન્ટ્રી આપવામાં આવશે. એક મોબાઇલ નંબર પરથી વધુમાં વધુ 2 (બે) વ્યક્તિઓ માટે જ ટિકિટ ખરીદી શકાશે.

4 ગ્રુપ ખેલૈયાઓ માટે આઈ-કાર્ડ તથા ટ્રેડિશનલ ડ્રેસ ફરજીયાત નિયમ

Rangoli Dandiya એપ્લિકેશનમાં રજિસ્ટ્રેશન દરમિયાન આપવામાં આવેલી માહિતી અને ફોટોગ્રાફના આધારે જ ટિકિટધારકની ઓળખ કરવામાં આવશે. તેથી તમારી Ticket અથવા Login/OTP અન્ય વ્યક્તિ સાથે શેર કરશો નહીં. જો કોઈ અન્ય વ્યક્તિ તમારી Ticketનો અનધિકૃત ઉપયોગ કરતી જણાશે, તો સંબંધિત ટિકિટ રદ કરવામાં આવી શકે છે અને આગળની ખરીદેલી ટિકિટો અંગે પણ આયોજકો યોગ્ય નિર્ણય લઈ શકશે. ગ્રુપ ખેલૈયાઓમાંથી માત્ર ટ્રેડિશનલ ડ્રેસ પહેરેલા ખેલૈયાઓને જ ખેલૈયા ગ્રાઉન્ડમાં પ્રવેશ આપવામાં આવશે. જે ખેલૈયાએ ટ્રેડિશનલ ડ્રેસ પહેર્યો ન હોય, તેને Main Gate થી માત્ર Food Court સુધી જ પ્રવેશ આપવામાં આવશે; ખેલૈયા ગ્રાઉન્ડમાં પ્રવેશ આપવામાં આવશે નહીં. ભાઈઓ માટે કુર્તા સાથે જીન્સ માન્ય ગણાશે નહીં. કુર્તા સાથે પાયજામા જેવા યોગ્ય ટ્રેડિશનલ ડ્રેસમાં જ પ્રવેશ આપવામાં આવશે.

5 ફરજિયાત માન્ય Ticket

કાર્યક્રમ સ્થળમાં પ્રવેશ મેળવવા માટે માત્ર Rangoli Dandiya (E-Tkt) મોબાઇલ એપ્લિકેશનમાં દર્શાવેલ સંબંધિત દિવસની મૂળ અને માન્ય Ticket જ સ્વીકારવામાં આવશે. પ્રવેશની મંજૂરી QR Codeની સફળ ચકાસણી/સ્કેનિંગ બાદ જ આપવામાં આવશે. Screenshot, Printed Copy, Edit કરેલી અથવા અન્ય કોઈપણ રીતે ફેરફાર કરેલી Ticket માન્ય ગણાશે નહીં. આવા દુરુપયોગના કિસ્સામાં આયોજકો પ્રવેશ નકારવાનો તથા જરૂરી કાયદેસરની કાર્યવાહી કરવાનો અધિકાર ધરાવે છે.

6 લેડીઝ અને જેન્ટ્સ માટે અલગ General Ticket Category

લેડીઝ તથા જેન્ટ્સ માટે જ્યાં અલગ General Ticket Category ઉપલબ્ધ હોય, ત્યાં જે Category માટે ટિકિટ ખરીદવામાં આવી હોય, તે જ Categoryની વ્યક્તિ દ્વારા તેનો ઉપયોગ કરી શકાશે. જેન્ટ્સ દ્વારા Ladies General Ticket અથવા લેડીઝ દ્વારા Gents General Ticketનો ઉપયોગ કરવામાં આવશે તો સંબંધિત Ticket રદ કરવામાં આવશે અને પ્રવેશ આપવામાં આવશે નહીં.

7 Ticketનું વેચાણ અથવા ટ્રાન્સફર

ખરીદવામાં આવેલી Ticketનું અનધિકૃત રીતે અન્ય વ્યક્તિને વેચાણ, પુનઃવેચાણ અથવા વ્યાપારી હેતુથી ટ્રાન્સફર કરવું માન્ય નથી. Ticket માત્ર Rangoli Dandiya દ્વારા માન્ય કરવામાં આવેલા અધિકૃત વેચાણ માધ્યમ/સ્થળ પરથી જ ખરીદવી. અનધિકૃત વેચાણ, પુનઃવેચાણ, ટ્રાન્સફર અથવા દુરુપયોગ જણાય તો સંબંધિત E-Ticket રદ કરવામાં આવી શકે છે તથા જરૂરી કાયદેસરની કાર્યવાહી કરવામાં આવી શકે છે.

8 વ્યક્તિગત Ticket અને Re-entry

દરેક Ticket માત્ર એક વ્યક્તિના સંબંધિત દિવસના પ્રવેશ માટે જ માન્ય રહેશે. પ્રવેશ સમયે દરેક વ્યક્તિ પાસે પોતાની માન્ય E-Ticket હોવી ફરજિયાત છે. સંબંધિત દિવસની Ticket એકવાર Scan કરીને પ્રવેશ આપવામાં આવ્યા બાદ તે જ Ticket ફરીથી Scan થશે નહીં અને પુનઃપ્રવેશ (Re-entry) આપવામાં આવશે નહીં. કોઈપણ પ્રકારનો Exit Pass આપવામાં આવશે નહીં.

9 એપ્લિકેશન અને Online Verification

Rangoli Dandiya મોબાઇલ એપ્લિકેશનમાં E-Ticket દર્શાવવા તથા Entry Gate પર Ticket/QR Codeની ચકાસણી માટે જરૂરી સમયે પોતાના મોબાઇલમાં Internet Connection ઉપલબ્ધ રાખવાની જવાબદારી Ticket Holderની રહેશે.

10 ગ્રાઉન્ડમાં પ્રતિબંધિત વસ્તુઓ

નશીલા પદાર્થોનું સેવન કરીને કાર્યક્રમ સ્થળમાં પ્રવેશ કરવાની સખત મનાઈ છે. આવી સ્થિતિમાં પ્રવેશ કરવાનો પ્રયાસ કરવામાં આવશે તો પ્રવેશ નકારવામાં આવશે તથા તેમના પર તો પોલીસ કાર્યવાહી કરવામાં આવશે. ગ્રાઉન્ડમાં ધુમ્રપાન કરવા તેમજ તમાકુ, ગુટકા, પાન-માવા વગેરે લાવવા અથવા તેનું સેવન કરવાની સખત મનાઈ છે.

11 બાળકો માટે પ્રવેશ

48 ઇંચથી ઓછી ઊંચાઈ ધરાવતા બાળકો માટે પ્રવેશ મફત રહેશે. તેનાથી વધુ ઊંચાઈ ધરાવતા બાળકો માટે Ticket લેવી ફરજિયાત રહેશે.

12 બહારથી ફૂડ આઈટમ લાવવા પર પ્રતિબંધ

કાર્યક્રમ સ્થળની અંદર બહારથી કોઈપણ ફૂડ આઈટમ અથવા પીણાં લાવવાની મંજૂરી આપવામાં આવશે નહીં.

13 વ્યક્તિગત નુકશાની માટે આયોજક જવાબદાર નહીં

ગ્રાઉન્ડની અંદર પ્રવેશ કર્યા બાદ આપની શારિરીક કે આપની કોઇપણ ચીજવસ્તુઓની નુકશાનીની જવાબદારી આયોજકોની રેહશે નહીં.

14 ટિકિટની માન્યતા અને Refund Policy

કોઈપણ કારણસર જે-તે દિવસનો કાર્યક્રમ બંધ, રદ અથવા સ્થગિત કરવામાં આવે, તો ટિકિટની રકમનું Refund આપવામાં આવશે નહીં. ટિકિટનું વેચાણ માનનીય કલેકટર સાહેબની મંજુરી મળશે તે અપેક્ષાએ કરેલ છે.

15 સી.સી.ટી.વી સુવિધા

ગ્રાઉન્ડ માં સી.સી.ટી.વી કેમેરા દ્વારા નિરીક્ષણ ચાલુ રહેતું હોય છે. જેથી તમામ પ્રવેશ અને પ્રવૃત્તિઓ દેખરેખ હેઠળ રહેશે.

16 Same Day Ticket ની Online સિવાય ઉપલબ્ધતા

જે દિવસ માટે Current/Same-Day Ticket ઉપલબ્ધ હશે, તે Rangoli Park Resort ખાતે નક્કી કરાયેલા અધિકૃત વેચાણ સ્થળ પરથી ઉપલબ્ધતાને આધીન રહીને ખરીદી શકાશે. દરેક દિવસની Ticket માટે તે જ દિવસની નક્કી કરેલી Ticket Price લાગુ પડશે.

17 અનામત

પ્રવેશનો અધિકાર અનામત છે.

18 પ્રવેશ નિયમો

પ્રવેશ ફક્ત માન્ય Ticket ધરાવતી વ્યક્તિને જ આપવામાં આવશે. જો Ticket Holder પોતાનો Login/OTP અન્ય કોઈ મિત્ર, સંબંધી અથવા વ્યક્તિ સાથે શેર કરે અને તેના કારણે Ticketનો કોઈપણ પ્રકારનો દુરુપયોગ થાય, જેમ કે Ticket Holderના બદલે અન્ય વ્યક્તિ Login કરીને પ્રવેશ મેળવવાનો પ્રયાસ કરે, તો તેની સંપૂર્ણ જવાબદારી Ticket Holderની રહેશે. આવા દુરુપયોગ માટે Rangoli Dandiya જવાબદાર રહેશે નહીં.

19 Ticket અને Invoice અંગેની મહત્વપૂર્ણ નોંધ

Each ticket pertains exclusively to a single-day right of admission and is valid only for the specific date mentioned on the respective ticket. Each day's admission constitutes a separate and independent right of entry and shall not be construed as a consolidated or single right of admission for multiple days.

A separate invoice corresponding to each single-day admission ticket is generated, and the ticket holder may download the relevant day-wise invoice from the App. Accordingly, the price mentioned against each ticket represents the consideration exclusively for the right of admission for the particular day specified on that ticket.

20 કરાર

Ticket ખરીદીને તથા કાર્યક્રમ સ્થળમાં પ્રવેશ લઈને તમે ઉપર જણાવેલા તમામ નિયમો અને શરતોને સ્વીકારો છો. કોઈપણ નિયમનું ઉલ્લંઘન કરવામાં આવશે તો સંબંધિત Ticket રદ કરવામાં આવી શકે છે અને પ્રવેશ નકારવામાં આવી શકે છે. રદ કરવામાં આવેલી Ticket માટે કોઈપણ પ્રકારનું Refund આપવામાં આવશે નહીં. આથી, Ticket ખરીદતા પહેલાં ઉપર જણાવેલા તમામ નિયમો અને શરતો ધ્યાનપૂર્વક વાંચવા અને તેનું પાલન કરવું જરૂરી છે. Ticket ખરીદવાથી તમે ઉપરોક્ત તમામ નિયમો અને શરતો વાંચી, સમજી અને સ્વીકારી છે તેમ માનવામાં આવશે. તમામ વિવાદો ભાવનગરના ન્યાયક્ષેત્રને આધીન રહેશે.

⚠️ મહત્વપૂર્ણ (ટૂંકમાં)

• ખેલૈયા સિવાય સિંગલ વ્યક્તિ કે ગ્રુપ માં લેડીઝ નું સાથે હોવું અનિવાર્ય છે.
• એક લેડીઝ સાથે માત્ર 3 (ત્રણ) જ જેન્ટસ ને એન્ટ્રી મળશે.
• એક મોબાઇલ નંબર પર ફક્ત 2 (બે) જ વ્યક્તિ ની ટિકિટ ખરીદી શકાશે.